आनंदवनातील मुकबधीर विद्यार्थ्याचा मृतदेह विहिरीत आढळला

- २ दिवसापासून होता बेपत्ता -
- घातपात असल्याचा नातेवाईकांचा आरोप
विदर्भ न्यूज एक्सप्रेस
तालुका प्रतिनिधी / वरोरा : शहरालगत असणाऱ्या आनंदवन येथील मुकबधीर शाळेत १० व्या वर्गात शिक्षण घेत असणाऱ्या गणेश शंकर निमजे (२३)रा . नागभीड या विद्यार्थ्याचा १० नोव्हेंबर ला सायंकाळी ५ वाजताच्या दरम्यान आनंदवनातील एका विहिरीत मृतदेह आढळून आल्याने खळबळ उडाली असून ११ नोव्हेंबर ला मृतक गणेश च्या मामाने वरोरा पोलीस स्टेशन येथे रीतसर लेखी तक्रार देऊन गणेश ची आत्महत्या नसून घातपात असल्याचा आरोप केला आहे .
नागभीड येथील गणेश निमजे हा जन्मताच मुखबधीर असल्याने वयाच्या ५ व्या वर्षी त्याला शिक्षण घेण्याकरिता आनंदवन येथील मुखबधीर शाळेत टाकण्यात आले . पहिले ते चौथी पर्यंत आनंदवन येथील मुखबधीर शाळेत शिक्षण घेतल्यानंतर . या पुढे मी त्या शाळेत जाणार नाही असे तो आई वडिलांना इशाऱ्या मधून सांगायचा. त्यामुळे त्याला चंद्रपूर येथील एका मुखबधीर शाळेत टाकल्यानंतर ५ ते ७ पर्यंत शिक्षण त्याने तिथे घेतले व पुढील शिक्षणाची सोय तिथे नसल्याने त्याने २ वर्ष वायरमन या शाखेत तंत्र शिक्षण घेऊन १० वि करिता व संगणक प्रशिक्षणाकरिता परत आनंदवन येथील मुकबधीर विद्यालयात प्रवेश घेतला .अभ्यासात हुशार असणारा गणेश नेहमी सर्वांशी प्रेमाने वागायचंचा. त्याची हुशारी पाहून शिक्षकांनी त्याला वर्गनायक हि बनविले .घटनेच्या २ दिवसापूर्वी तो सकाळी ५.३० वाजता उठून नेहमी प्रमाणे फिरायला गेला व ८.३० वाजेपर्यत तो वसतिगृहाच्या परिसरात मित्रांसोबत फिरत होता. मात्र जेवणाच्या वेळेला त्याची अनुपस्थिती पाहून प्रभारी व्यवस्थापक यांनी त्याचा शोध घेणे सुरु केला . या बाबत त्याच्या आई वडिलांना हि कळविले .पण तो कुठेच आढळून आला नाही .

#marathinews#VNXMARATHINEWSCHANNEL

સમાચાર