सामान्य नागरिक ते जि.प. उपाध्यक्ष : अजय कंकडालवार यांचा प्रवास

विदर्भ न्यूज एक्सप्रेस
प्रतिनिधी / गडचिरोली : सामान्य नागरिक ते जिल्हा परिषद उपाध्यक्षपदापर्यंतचा पल्ला गाठणारे जिल्हा परिषद उपाध्यक्ष अजय कंकडालवार समाजकारणात रूजल्यामुळेच विविध पदांपर्यंत पोहचण्यात यशस्वी झाले असल्याचे नागरिकांच्या प्रतिसादावरून दिसून येते. याबाबत विदर्भ न्यूज एक्सप्रेसने त्यांचा हा प्रवास जाणून घेण्याचा प्रयत्न केला.
इंदारामचे सरपंच गुलाबराव सोयाम तसेच नागरिकांशी विदर्भ न्यूज एक्सप्रेसने संवाद साधला. याप्रसंगी त्यांचा हा प्रवास उलगडला गेला आहे. जनसामान्यांची कामे करण्यासाठी शालेय जीवनापासूनच रूची दाखविणारे अजय कंकडालवार यांनी कोणाच्याही मदतीस धावून जाण्याच्या वृत्तीमुळे नागरिकांमध्ये परिचित होते. लोकांची कामे कोणत्याही क्षणी पूर्ण करण्यासाठी पुढाकार घेण्याच्या वृत्तीमुळेच त्यांचा जनाधार वाढल्याचे अनेकजण बोलून दाखवितात.
सामान्य नागरिकांची सेवा करतांना २००५ मध्ये त्यांनी ग्रामपंचायतीची निवडणूक लढविली. यामध्ये ते विजयीसुध्दा झाले. यामुळे त्यांना सामाजिक कार्य करण्याचे आणखी बळ मिळाले. या काळात त्यांनी गावाच्या विकासासाठी कसोशीने प्रयत्न केले. लोकांचा वाढता पाठींबा व नागरिकांच्या आग्रहाखातर २००७ मध्ये त्यांनी देवलमरी पंचायत समिती गणातून अपक्ष म्हणून निवडणूक लढविली. या निवडणूकीत त्यांनी मुतन्ना सावकार दोंतुलवार यांना पराभूत करून विजय संपादन केला. यावेळी त्यांचा जनसंपर्क आणखी वाढला. कार्यकर्त्यांची फळी वाढली. यानंतर त्यांनी २०१२ मध्ये देवलमरी - रेपनपल्ली जिल्हा परिषद क्षेत्रातून जिल्ह्याच्या मिनी मंत्रालयात प्रवेश घेण्याचा निश्चय केला. यामध्येसुध्दा त्यांना यश मिळाले आणि जिल्ह्यातून सर्वात जास्त मते घेवून ते जि.प. सदस्य म्हणून निवडून आले.

#marathinews#VNXMARATHINEWSCHANNEL

News