मुंबई द्रुतगती मार्गावर भीषण अपघात तीन ठार तर तीन जखमी

मुंबईहून पुण्याच्या दिशेने येणा-या एका इनोव्हा कार चालकाचे गाडीवरील नियंत्रण सुटल्याने भीषण अपघात झाला. या अपघातात तीनजणांचा मृत्यू झाला तर तीनजण गंभीर जखमी झाले आहेत. हा अपघात बुधवार सकाळी नऊच्या सुमारास धामनी गावाजवळ झाला. या अपघातामुळे मार्गावरील वाहतूक विस्कळीत झाली होती.मुंबईहून पुण्याच्या दिशेने येणा-या इनोव्हा (एमएच 04 सीजे 0423) चालकाचे नियंत्रण सुटल्याने गाडी पुणे लेनवर आली. त्याचवेळी पुण्याहून मुंबईच्या दिशेने जाण-या रिट्स कारला इनोव्हाची धडक बसली. अपघातामुळे काही वेळा वाहतूक विस्कळीत झाली होती. महामार्ग पोलिसांनी अपघातग्रस्त वाहने बाजूला काढून वाहतूक सुरळीत केली. या अपघातात जखमी आणि मृत व्यक्तींची नावे अद्याप समजू शकली नाहीत.

#marathinews#punemetro

செய்திகள்