ആമസോൺ കാട്ടു തീ ;ആരോഗ്യം ഭീഷണിയിൽ | News60 ML

ആമസോൺ കാട്ടു തീ ;ആരോഗ്യം ഭീഷണിയിൽ

ഭൂമിയിലെ ഏറ്റവും വലിയ നിത്യഹരിത വനമേഖലയാണ് ആമസോണ്‍. അതുകൊണ്ടുതന്നെ ഈ വനമേഖലയുടെ വലിയൊരു ഭാഗവും സ്ഥിതി ചെയ്യുന്ന ബ്രസീലില്‍ കാട്ടുതീ പടര്‍ന്നപ്പോള്‍ അത് ലോകമെമ്പാടുമുള്ള പരിസ്ഥിതി പ്രവര്‍ത്തകരെ ആശങ്കയിലാഴ്ത്തി. തീ അനിയന്ത്രിതമായി വ്യാപകനാശം വിതച്ചതോടെ ലോകനേതാക്കളും ഹോളിവുഡ് താരങ്ങളും വരെ ആമസോണിനു വേണ്ടി സജീവമായി രംഗത്തിറങ്ങി. വൈകാതെ ലോകം മുഴുവന്‍ ആമസോണിനെക്കുറിച്ചോര്‍ത്ത് ആശങ്കപ്പെട്ടു. 2004 ല്‍ നേരിയ തോതില്‍ വര്‍ധന രേഖപ്പെടുത്തിയ ശേഷം തുടര്‍ന്നിങ്ങോട്ട് ആമസോണ്‍ വനമേഖല ചുരുങ്ങി വരികയാണ്. ഇതിനൊടുവിലാണ് കൃഷിയിടം വ്യാപിപ്പിക്കാനായി പടര്‍ത്തിയ തീ കാട്ടുതീയായി പ്രദേശത്തെ ജൈവവ്യവസ്ഥയെ തന്നെ അപകടത്തിലാക്കിയത്.

ആമോസണ്‍ വനമേഖലയില്‍ കഴിഞ്ഞ മാസമുണ്ടായ കാട്ടുതീ മേഖലയിലെ ആവാസവ്യവസ്ഥയ്ക്കുണ്ടാക്കിയ ആഘാതം കനത്തതായിരുന്നു. ഈ കാട്ടുതീ മൂലം പരിസ്ഥിതിയിലുണ്ടായ വ്യാപകമായ നാശനഷ്ടം ലോകശ്രദ്ധയാകര്‍ഷിക്കുകയും ചെയ്തു. ഇപ്പോള്‍ ഇതേ കാട്ടുതീ സൃഷ്ടിച്ചിരിക്കുന്ന അന്തരീക്ഷ മലിനീകരണത്തിന്‍റെ തീവ്രത രേഖപ്പെടുത്തിയിരിക്കുകയാണ് യൂറോപ്യന്‍ ബഹിരാകാശ ഏജന്‍സി. ആമസോണിലുണ്ടായ കാട്ടുതീ സൃഷ്ടിച്ചിരിക്കുന്ന വായൂമലിനീകരണം ആഗോള തലത്തില്‍ തന്നെ കാലാവസ്ഥയേയും ജനങ്ങളുടെ ആരോഗ്യത്തെയും ബാധിക്കാന്‍ കെല്‍പ്പുള്ളതാണെന്ന് ഈ പഠനത്തില്‍ പറയുന്നു.

ടൺ കണക്കിന് കാര്‍ബണ്‍ ഡയോക്സൈഡാണ് കാട്ടുതീയെ തുടര്‍ന്ന് വ്യാപകമായി അന്തരീക്ഷത്തിലേയ്ക്ക് പുറന്തളള്ളപ്പെട്ടത്. ഈ വാതകത്തിനൊപ്പം തന്നെ പല അളവുകളിലുള്ള പൊടിപടലങ്ങളും വായുവിലേക്കെത്തിയിട്ടുണ്ട്. അതീവ അപകടകാരികളായ പര്‍ട്ടിക്കുലര്‍ മാറ്റര്‍ 2.0, പിഎം 10, പിഎം 1 എന്നിവ വലിയ തോതില്‍ അന്തരീക്ഷത്തിലേക്കു കലരാന്‍ ആമസോണ്‍ തീപിടുത്തം കാരണമായിട്ടുണ്ട്. പൊതുജനങ്ങളില്‍ പ്രത്യേകിച്ച് കുട്ടികളില്‍ വലിയ തോതില്‍ ഹൃദ്രോഗവും ശ്വാസകോശരോഗങ്ങളും ഉണ്ടാക്കാന്‍ ശേഷിയുളള്ളവയാണ് ഈ പര്‍ക്കുലര്‍ മാറ്ററുകള്‍.

ആമസോണ്‍ വനമേഖല സ്ഥിതി ചെയ്യുന്ന ബ്രസീലിലെ സംസ്ഥാനങ്ങിലൊന്നായ റൊണ്ടോനിയയില്‍ ഇതിനകം തന്നെ പതിനായിരക്കണക്കിന് പേര്‍ ശ്വാസകോശത്തിലെ ബുദ്ധിമുട്ടുകളുമായി ചികിത്സ തേടിയിട്ടുണ്ട്. റൊണ്ടോനിയയുടെ തലസ്ഥാനമായ പോര്‍ട്ടോ വെല്ലോയിലെ കുട്ടികളുടെ ആശുപത്രിയില്‍ ഓഗസ്റ്റ് മാസത്തില്‍ ശ്വാസകോശ രോഗങ്ങളുമായെത്തിയ കുട്ടികളുടെ എണ്ണം പല മടങ്ങ് അധികമായിരുന്നു എന്

#News#breakingnews#latestUpdates#LIVE#indiannews#Malayalam#trendingnews#malayalamnews#malayalamnewslive#keralam#News60ML#news60#news60malayalam#news60today#news60mltoday#news60mllatest#News60mlnewvideo#news60mlvideo#amozonforestfire#amozon

News