VIDEO- આવો મળીએ સુરતના આયર્નમેન મહેશ પ્રજાપતિને

દુનિયાની ટફ મનાતી આર્યનમેન સ્પર્ધામાં સુરતના મહેશ પ્રજાપતિએ આર્યનમેનનું ટાઇટલ મેળવ્યું છે. આર્યનમેન ટ્રાયથ્લોન ફિઝિકલ સ્ટ્રેન્થ ગેમ્સની એક સીરિઝ છે, જેમાં 3.86 કિમી સ્વિમિંગ, 180.25 કિમી સાઇકલિંગ અને 42.20 કિમીનું મેરાથોન શામેલ છે. આ સ્પર્ધા વર્લ્ડ ટ્રાયથ્લોન કોર્પોરેશન દ્વારા કરાવવામાં આવે છે. આ સ્પર્ધામાં કોઈપણ બ્રેક હોતી નથી. આ ઇવેન્ટને એક દિવસની દુનિયાની સૌથી ટફ ઇવેન્ટમાં શામેલ કરવામાં આવે છે. આ ઇવેન્ટ માટે 17 કલાકની સમય મર્યાદા આપવામાં આવે છે.

મહેશ પ્રજાપતિએ જણાવ્યું હતું કે 'સ્પર્ધાની શરૂઆત સ્વિમિંગ કોર્સ સાથે શરૂ થઈ હતી જેમાં સ્પર્ધકોને દરિયાના પાણીમાં સ્વિમિંગ કરવાનું હતું. સ્વિમિંગ શરૂ થઈ એના 1 કલાકમાં જ હવામાન પલટાઈ ગયો અને ભારે પવન સાથે વરસાદ શરૂ થઈ ગયો હતો અને એવા હવામાનમાં સ્વિમિંગ કરવું ખૂબ જ અઘરું બન્યું હતું. જેમ સ્વિમિંગની સ્પર્ધા પૂર્ણ થઈ તરત જ ધોધમાર વરસાદની વચ્ચે સાઇકલિંગ સ્પર્ધા પણ શરૂ થઈ હતી. સાઇકલિંગ ઊંચી પહાડી પર હોવાને કારણે સારી રીતે બેલેન્સ કરીને સાઇકલિંગ કરવું ટફ બન્યું હતું અને કેટલાક લોકો તો ત્યાંથી હાર માની લીધી. થોડી વારમાં વરસાદ બંધ થયો અને ફરી એકવાર હ્યુમિડિટી લેવલ 95 ટકા સુધી પહોંચી ગયું હતું. જેના કારણે ઘણા બધા સાયકલિસ્ટ નીચે પડ્યા હતા અને એમને ગંભીર ઇજા પહોંચી હતી. કેટલાકની સાઇકલમાં પંચર પડ્યું હતું, જેના કારણે તેઓ સ્પર્ધામાંથી ખસી ગયા હતા. મેં 180 કિમીની સાઇકલિંગ સ્પર્ધા બ્રેક વગર જ પૂરી કરી હતી. સાઇકલિંગની સ્પર્ધા પૂરી થતાની સાથે જ રનિંગની સ્પર્ધા શરૂ થઈ હતી અને સ્પર્ધા શરૂ થતાની સાથે જ હ્યુમીડિટી ખૂબ જ વધી ગઈ હતી અને સ્પર્ધકો ડિહાઇડ્રેશનના શિકાર થયા હતા અને સ્પર્ધામાં આગળ ભાગ લેવાનું ટાળ્યું હતું. મેં શરૂઆતથી જ ધૈર્યથી કામ લીધું હતું અને મારી જાતને હાઇડ્રેટ રાખ્યો હતો. મને ખબર હતી કે સાઇકલિંગ અને સ્વિમિંગમાં પગની જરૂરત વધારે પડશે એટલે મેં સ્વિમિંગમાં શક્ય તેટલો હાથનો ઉપયોગ કર્યો હતો અને એના કારણે જ મેં સફળતા મેળવી હતી. જ્યારે એનાઉન્સ થયું કે "મહેશ પ્રજાપતિ યુ આર ધ આયર્નમેન ફ્રોમ ઇન્ડિયા' ત્યારે મારી ખુશીનો બમણી થઈ ગઈ.

વધુમાં તેઓએ જણાવ્યું હતુ કે, 2006મા આવેલ સુરતના પૂરમાં હું ત્રણ દિવસ સુધી ઘરમાં કેદ હતો અને સ્વિમિંગ ન આવડવાને કારણે ઘરથી બહાર ન આવી શક્યો હતો અને ત્યારે જ મેં સ્વિમિંગ શીખવાનું ન

#LatestGujaratiNews  #TrendingNewsinGujarat  #LatestNewsinGujarati  #GujaratiNews  #PoliticalnewsinGujarati  #SocialNewsinGujarati  #GujaratSamachar  #Khabarchhe  #KhabarchheNews  #Surat  #IronmanTriathlon  #MaheshPrajapati  

સમાચાર