BJPના શાસનમાં કોન્ટ્રાક્ટરો બેફામ, રસ્તાના કામોમાં સિમેન્ટનું મટીરિયલ જ ગાયબ

ભાવનગરના પાલીતાણા તાલુકામાં થઈ રહેલા વિકાસના તેમજ સરકારી કામોમાં કોન્ટ્રક્ટરોને ભ્રષ્ટાચાર કરવાનો પરવાનો આપી દેવામાં આવ્યો હોય તેમ એક પછી એક એમ સરકારી કામોમાં થયેલા ભ્રષ્ટાચાર સામે આવી રહ્યા છે. રંડોળા ગામના સ્થાનિકો દ્વારા ગામમાં બનેલા RCC કામમાં કેવો ભ્રષ્ટાચાર થયો છે તેને ખુલ્લો પાડ્યો હતો. અધિકારીઓનું કામ હવે જાગૃત પ્રજા કરી રહી છે ત્યારે હવે ભ્રષ્ટાચારીઓ સામે તપાસ અને કાર્યવાહી થાય છે કે કેમ?

પાલીતાણા તાલુકામાં અનેક જગ્યાઓ પર લાખો અને કરોડો રૂપિયાના થઈ રહેલા કામોમાં ભારે ભ્રષ્ટાચાર આચરવામાં આવી રહ્યાની ફરિયાદો ઊઠી છે. નમાલા અને ભ્રષ્ટ અધિકારીઓની મિલીભગતથી આચરવામાં આવી રહેલા ભ્રષ્ટાચારને હવે જાગૃત પ્રજા વિવિધ માધ્યમો થકી ઉજાગર કરી રહી છે. જનતા સોશિયલ મીડિયા કે અન્ય મીડિયાના માધ્યમથી આવા ગેરરીતિ આચરીને કરવામાં આવેલ કામોને ખુલ્લા પાડી રહ્યા છે. હજુ બે દિવસ પહેલા જ જાગૃત નાગરિક દ્વારા પાલીતાણા-સોનગઢ રોડ પર બનાવવામાં આવેલી પગદંડીમાં થયેલા ભ્રષ્ટાચારનો વીડિઓ વાયરલ કરતા તંત્રમાં દોડધામ મચી ગઈ હતી અને તાકીદે આ પગદંડી તોડી પાડવામાં આવી. જો કે જનતા એક પછી એક એમ આવા કામોનો ખુલાસો કરી રહી છે.

પાલીતાણા તાલુકાના રંડોળા ગામમાં હજુ બે મહિના પહેલા ગામના બસ સ્ટેન્ડથી લઈ મઢડા રોડ સુધી RCC રોડનું કામકાજ કરવામાં આવ્યું હતું. જો કે હવે આ RCC રોડ છે કે ધૂળિયો રોડ તે તો દૃશ્યો પરથી નક્કી કરી જ શકાય છે. દૃશ્યોમાં જે દેખાય છે તે બે મહિના પહેલા જ બનાવેલ RCC રોડ છે અને આ દાદા જે ઉઠાવી રહ્યા છે તે સિમેન્ટ છે કે માટી તે જોઈ જ શકાય છે. ત્યારે હવે ભ્રષ્ટાચારમાં કોન્ટ્રાક્ટરો જાણે હરીફાઈ કરી રહ્યા હોય તેમ અહીં તો RCCમાંથી સિમેન્ટનો C જ ગાયબ કરી દીધો. આમાં માત્ર રેતી જ વાપરવામાં આવી છે સિમેન્ટ તો ક્યાંય દેખાતી નથી. હવે તમે નજરે જોશો ત્યાં જ કેટલો ભ્રષ્ટાચાર થયો છે તે કહી શકો છે, પરંતુ આ રોડના બિલ પાસ કરનાર અધિકારીઓને આ કેમ નથી દેખાતું?

જો કે હવે અધિકારીઓને આ દેખાવું હોય તો દેખાય પણ હવે લોકો જાગૃત થયા છે તે ચોક્કસ છે કારણ કે લોકો જ એકપછી એક એમ ભ્રષ્ટાચાર સામે લાવી રહ્યા છે. અહિંયા પણ મીડિયાની ટીમને બોલાવીને લોકોએ આ કામમાં થયેલ ભ્રષ્ટાચારને ખુલ્લો પાડ્યો છે. ત્યારે હવે લાગે છે કે કદાચ આ અહેવાલ પ્રસારિત થયા પછી અધિકારીઓની નજર સામે આ ભ્રષ્ટાચાર આવે.

Know more on

#Corruption  #LatestGujaratiNews  #TrendingNewsinGujarat  #LatestNewsinGujarati  #GujaratiNews  #PoliticalnewsinGujarati  #SocialNewsinGujarati  #GujaratSamachar  #Khabarchhe  #KhabarchheNews  #palitana  #ROADCONSTRUCTION  #CorruptionCharges  

বাতৰি