મહુવામાં માઈનિંગને અટકાવતા ખેડૂતોના વિરોધ દરમિયાન પોલીસ અને ખેડૂતો વચ્ચે ઘર્ષણ

ભાવનગરના તલ્લી બાંભોર ગામમાં ખાનગી કંપનીના માઈનિંગને અટકવવા કનુ કલસરિયાની આગેવાનીમાં વિરોધ પ્રદર્શન કરવામાં આવ્યું હતું ત્યારે વિરોધ દરમિયાન પોલીસ અને ખેડૂતો વચ્ચે ઘર્ષણ સર્જાયું હતું. ઉપરાંત પોલીસે 35થી વધુ ટીયરગેસના સેલ પણ છોડ્યા હતા, જેને લઈને ખેડૂતો વધુ વિફર્યા હતા અને ખેડૂતો દ્વારા પોલીસ પર પથ્થરમારો પણ કરવામાં આવ્યો હતો. પોલીસ દ્વારા હળવો લાઠીચાર્જ કરતા અનેક ખેડૂતોને ઈજા પહોંચી હતી.

આ ઘટનાની વિગતો એવી છે કે, ભાવનગરના તલ્લી બાંભોર ગામે ખાનગી કંપની દ્વારા છેલ્લા કેટલાય સમયથી માઈનિંગ કરવામાં આવી રહ્યું છે. આ માઈનિંગની પ્રવૃત્તિને કારણે આસપાસના ખેતરોને ભારે નુકશાન થઈ રહ્યું છે. આ અંગે અગાઉ અનેકવાર સ્થાનિક ખેડૂતોએ સ્થાનિક વહિવટીતંત્ર સમક્ષ રજૂઆત કરી હતી. પરંતુ, આ મામલે કોઈ નિષ્કર્ષ આવ્યો નહિ. ત્યારે બુધવારે સવારે ભૂતપૂર્વ ધારાસભ્ય કનુ કલસરિયાની આગેવાનીમાં ખેડૂતોએ હલ્લાબોલ કરીને ભારે હંગામો મચાવ્યો હતો. અગાઉથી જ આ કાર્યક્રમની જાહેરાત કરાઈ હોવાના કારણે પોલીસ વિભાગે પણ આ વિસ્તારમાં લોખંડી બંદોબસ્ત ગોઠવી દીધો હતો. પરંતુ, ચુસ્ત બંદોબસ્ત વચ્ચે પણ સ્થાનિક ખેડૂતો આવી પહોંચ્યા હતા અને તેમને રોકવાનો પોલીસે પ્રયાસ કરતા પોલીસ અને ખેડૂતો વચ્ચે ઘર્ષણ સર્જાયું હતું.

આ ઘર્ષણને લઈને વાતાવરણમાં તંગદીલી ફેલાઈ ગઈ હતી. ખેડૂતોએ આક્ષેપ કર્યો છે કે, શાંતિપૂર્ણ રીતે વિરોધ પ્રદર્શન કરી રહેલા ખેડૂતો પર પોલીસે અમાનુષી વર્તન કર્યું છે અને તેના કારણે અનેક ખેડૂતો ઈજાગ્રસ્ત થયા છે. પોલીસના આ વર્તન સામે ખેડૂતો દ્વારા હાલમાં ઉગ્ર વિરોધ ચાલી રહ્યો છે. દરમિયાનમાં મળતી માહિતી પ્રમાણે ભાવનગરમાં ખેડૂતો પર થયેલા લાઠીચાર્જ અંગે મુખ્યપ્રધાન વિજય રૂપાણીએ પણ ગંભીર નોંધ લઈને આ મામલે તાત્કાલિક પગલા ભરવાના આદેશ કર્યાં છે. બીજી બાજુ કોંગ્રેસે ખેડૂતો પર કરાયેલા લાઠીચાર્જનો વિરોધ વ્યક્ત કરી રાજ્ય સરકાર પર પ્રહાર કરતા જણાવ્યું છે કે, વર્તમાન રાજ્ય સરકાર ખેડૂત વિરોધી છે અને તેના ઈશારે જ ખેડૂતો પર અત્યાચાર કરવામાં આવી રહ્યો છે. આ મામલે કોંગ્રેસ આગામી દિવસોમાં ઉગ્ર આંદોલન કરશે.

અત્રે નોંધનીય છે કે, ભૂતકાળમાં પણ કનુ કલસરિયા દ્વારા ખાનગી સિમેન્ટ કંપનીને જમીન આપી દેવાના સરકારના નિર્ણય સામે આંદોલન કરવામાં આવ્યું હતું, ત્યારે હવે ફરી એકવાર કલસરિયાએ રાજ્ય સરકાર સામે માઈનિંગ કરી રહેલી ખાનગી કંપનીનો

#LatestGujaratiNews  #TrendingNewsinGujarat  #LatestNewsinGujarati  #GujaratiNews  #PoliticalnewsinGujarati  #SocialNewsinGujarati  #GujaratSamachar  #Khabarchhe  #KhabarchheNews  #Bhavnagar  #farmersprotest  #BhavnagarPolice  #Mahuva  

خبریں