सीएसआरडी महाविद्यालयात युवा महोत्सवाचे आयोजन

नगर मधील सीएसआरडी महाविद्यालयामध्ये ग्रामीण युवकांसाठी ११ आणि १२ डिसेंबरला राज्यस्तरीय युवा महोत्सवाचे आयोजन करण्यात आले आहे. यानिमित्त विविध स्पर्धांचे आयोजन करण्यात आले असून अहमदनगर कॉलेजचे प्राचार्य डॉ. आर. जे. बार्नाबस यांच्या हस्ते ११ डिसेंबरला सकाळी अकरा वाजता या महोत्सवाचे उद्घाटन होणार आहे. भास्कर पांडुरंग हिवाळे या संस्थेला यंदा ५० वर्षे पूर्ण होत आहेत. या संस्थेच्या अंतर्गत अहमनगर कॉलेज, सीएसआरडी कॉलेज आणि आयएमएस कॉलेज ही तीन महाविद्यालये येतात.संस्थेला यंदा ५० वर्षे पूर्ण होत असल्यामुळे विविध उपक्रमांचे आयोजन या कॉलेजमध्ये करण्यात येत आहे. या उपक्रमांचा एक भाग म्हणून ११ आणि १२ डिसेंबरला ग्रामीण युवकांसाठी राज्यस्तरीय युवा महोत्सव घेण्यात येणार आहे. युवकांच्या कलागुणांना वाव देता यावा, हा या महोत्सवाचा मुख्य उद्देश असल्याचे 'सीएसआरडी'चे संचालक डॉ. सुरेश पठारे यांनी सांगितले.

Watch सीएसआरडी महाविद्यालयात युवा महोत्सवाचे आयोजन With HD Quality

#News  #Metro  

ಸುದ್ದಿಗಳು