जामखेडमध्ये ह.भ.प.तुळशीरामभाऊ मुळे यांचे निधन

जामखेड तालुक्यातील राष्ट्रीय स्वयंसेवक संघाचे ज्येष्ठ कार्यकर्ते, भारतीय जनता पार्टीचे माजी जिल्हाध्यक्ष, प्रखर राष्ट्रभक्त, रामायणाचे गाढे अभ्यासक, ह.भ.प. तुळशीरामभाऊ मुळे यांच शुक्रवारी रात्री साडेआठ वाजता वृध्दापकाळाने सारोळा या गावी निधन झालय. एक वर्षापूर्वी त्यांच्या पत्नीचे निधन झाले होते. त्यांच्या मागे विवाहित दोन मुले, दोन मुली, नातवंडे, परतवंडे असा परिवार आहे. सारोळा या गावी शनिवारी दुपारी बाराच्या दरम्यान त्यांच्यावर अंत्यसंस्कार करण्यात आलेत. तुळशीराम मुळे हे भारतीय सैन्यदलातील कुमाव रेजिमेंटचे सैनिक होते. तसेच ते राष्ट्रीय स्वयंसेवक संघाचे जेष्ठ स्वयंसेवक देखील होते, सैन्यदलातून निवृत्त झाल्यानंतर त्यांनी भारतीय जनता पक्षाचे काम चालू केले. पक्षाचे निष्ठावंत आणि प्रखर राष्ट्रभक्त म्हणून ते परिचीत होते. माजी पंतप्रधान अटलबिहारी वाजपेयी, लालकृष्ण अडवाणी यांच्या बरोबर त्यांचे राजकीय संबध होते. १९९५ साली ते भाजपचे जिल्हाध्यक्ष म्हणून ते कार्यरत होते. कर्जत जामखेड मतदार संघातून सदाशिव लोखंडे हे जिल्ह्यातील भाजपचे पहिले आमदार करण्यात त्यांचा मोठा वाटा होता. पक्षकार्य चालू असतानाच त्यांनी राज्यात फिरून आयुष्यभर एकही रुपया न घेता किर्तन केले यामुळे ते प्रसिद्ध किर्तनकार म्हणून परिचीत आहे. वृध्दापकाळापर्यंत ते किर्तन करीत होते. हभप तुळशीराम मुळे यांच्या निधनाने जामखेड तालुक्यात शोक व्यक्त करण्यात येत आहे.

#MetroNews  

News