दगडूशेठ गणपतीला ५०लाख फुलांची आकर्षक सजावट

मोग-याच्या 50 लाख फुलांची आकर्षक सजावट. झेंडू, गुलाब, चाफा, लिलीसारख्या फुलांनी सजलेला गाभारा आणि शुंडाभूषण, मुकुट, कान आणि पुष्पवस्त्र परिधान केलेले गणरायाचे विलोभनीय रुप पुणेकरांनी याची देही याची डोळा अनुभवलय. वासंतिक उटी मोगरा महोत्सवानिमित्त दगडूशेठ गणपतीला 50 लाख मोग-यांचा पुष्पनैवेद्य दाखविल्याचा भास होत होता. सुवासिक फुलांनी सजलेले मंदिर आणि गणरायाचे रुप डोळ्यांमध्ये साठविण्याकरीता पुणेकरांनी मोठया संख्येने गर्दी केली. श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळातर्फे मंदिरात वासंतिक उटी, मोगरा महोत्सव आयोजित करण्यात आला. यावेळी दक्षिण विभागाचे अतिरिक्त पोलीस आयुक्त रवींद्र सेनगावकर यांच्या हस्ते आरती करण्यात आली. परिमंडळ 1 चे पोलीस उपायुक्त डॉ.बसवराज तेली, ट्रस्टचे अध्यक्ष अशोक गोडसे, महेश सूर्यवंशी, सुनील रासने, माणिक चव्हाण यांसह विश्वस्त व कार्यकर्ते उपस्थित होते.

Watch दगडूशेठ गणपतीला ५०लाख फुलांची आकर्षक सजावट With HD Quality

#marathinews  #punemetro  

ಸುದ್ದಿಗಳು