अखिल भारतीय मराठी तमाशा परिषदेच्या वतीने बुधवारी पुण्यात पत्रकार परिषद

तमाशा कलावंतांच्या आणि फडांच्या अडीअडचणींवर मात करण्यासाठी आम्ही गेली चार वर्षापासून राज्याचे सांस्कृतिक मंत्री म्हणून विनोद तावडे यांची भेट घेण्याचा प्रयत्न करत आहोत. मात्र तावडे वेळ देत नाहीत, असा आरोप राष्ट्रपती पुरस्कार प्राप्त ज्येष्ठ तमाशा कलावंत मंगला बनसोडे यांनी केला आहे. तमाशा कलावंत आणि फड मालकांना भेडसावणाऱ्या अडचणी मांडण्यासाठी अखिल भारतीय मराठी तमाशा परिषदेच्या वतीने बुधवारी पुण्यात पत्रकार परिषदेचे आयोजन करण्यात आल होते. यावेळी परिषदेचे नवनियुक्त अध्यक्ष अविष्कार मुळे, किरणकुमार ढवळपुरीकर, लता पुणेकर, मंदा पाटील यांच्यासह इतर तमाशा कलावंत उपस्थित होते. तमाशाला आता घरघर लागली असुन याकडे शासन दुर्लक्ष करत आहे. या कलेत समाजातील उपेक्षीत घटकातील लोकांचा जास्त समावेश असल्याने शासनाकडून या कलेकडे दुर्लक्ष केले जात आहे. राज्याची लोककला जिवंत रहावी, यासाठी शासनाने आर्थिक सहाय्य करणे गरजेचे आहे. मराठी चित्रपट, नाटकाला भरीव अनुदान मिळते. मग लोककलाच का दुर्लक्षीत ठेवली जात आहे. आमच्या अडीअडचणी मांडण्यासाठी आम्ही सांस्कृतिक मंत्र्यांना भेटण्याचा प्रयत्न करत आहोत. मात्र सांस्कृतिक मंत्री विनोद तावडे चार वर्षात एकदाही तमाशा कलावंतांना वेळ देऊ शकले नाहीत. त्यामुळे कलावंतांच्या मागण्या मान्य न झाल्यास १५ जुलै रोजी नागपूर अधिवेशनावर मोर्चा काढून त्या ठिकाणी उपोषण करण्याचा इशाराही यावेळी देण्यात आलाय.

Watch अखिल भारतीय मराठी तमाशा परिषदेच्या वतीने बुधवारी पुण्यात पत्रकार परिषद With HD Quality

#bjp  #Crime  #Sports  #congress  #News  #Politics  #Today  #Movie  #entertainment  #maharashtra  #NCP  #ShivSena  #BIG  #NATIONAL  #INTERNATIONAL  #pune  #Social  #CITY  #Ahmednagar  #Metro  #Rashtravadi  #jeevan  #g1  #mahanagar  #pimpri  #beed  #parbhani  #headline  

સમાચાર