Hajaba the real hero

മൈ നെയിം ഈസ് ഹജബ !


ഓറഞ്ച് വിൽപനക്കാരനിൽ നിന്ന് ഹൈസ്കൂൾ സ്ഥാപകനായി മാറിയ അത്ഭുതം




ഹൗ മച്ച് ? മംഗളൂ രുവിൽ ബസിറങ്ങിയ സായിപ്പിന്റെ ചോദ്യത്തിനു മുന്നിൽ ഓറഞ്ച് കച്ചവടക്കാരൻ ഹജബ്ബ പരുങ്ങി. എത്രയോവട്ടം അനുഭവിച്ച അതേ നിസ്സഹായത. ഒരു കിലോ ഓറഞ്ചിന്റെ വില ഇംഗ്ലിഷിൽ പറയാൻ കഴിയുന്നില്ല.വിദ്യാഭ്യാസമില്ലാതെ പോയല്ലോ എന്ന വിലാപത്തിനൊടുവിൽ അദ്ദേഹം ചെയ്തതു ചരിത്രം:ഒരു സ്കൂൾ തന്നെ സ്ഥാപിക്കാൻ സർക്കാരിന് സ്ഥലം വാങ്ങിക്കൊടുത്തു.
ഇന്ന് ഹരേക്കള ഹജബ്ബ കർണാടക സർവകലാശാലകളിൽ പഠന വിഷയമാണ്.
തെരുവിലെ ഓറഞ്ച് വിൽപനക്കാരനിൽ നിന്ന് ഹൈസ്കൂൾ സ്ഥാപകനായി മാറിയ അത്ഭുതം.
അദ്ദേഹത്തിന് ഇപ്പോഴും സാധാരണയിൽ സാധാരണക്കാരന്റെ വേഷം, ഭാവം. ആ മനസ്സിൽ നിന്നുള്ള ഓരോ വാക്കും മധുനാരങ്ങയുടെ അല്ലികൾ പോലെ.
1977 മുതൽ 2014 വരെ മംഗളൂരു ബസ് സ്റ്റാൻഡിൽ വള്ളിക്കൂടയിൽ ഓറഞ്ച് വിറ്റു. അന്ന് പലരോടും കൃത്യമായി സംസാരിക്കാൻ കഴിയാത്തതിനാൽ കച്ചവടം പോലും കുറഞ്ഞു.
ഒരു തകരപ്പെട്ടിയിൽ ചെറിയ തുകകൾ കൂട്ടിവച്ചു. എല്ലാവരുടെ മുന്നിലും കൈനീട്ടി. ഒട്ടും നാണക്കേട് തോന്നിയില്ല. ചെറുതും വലുതുമായി ആളുകൾ സഹായിച്ചു. സർക്കാർ കൈപിടിച്ചു. വർഷങ്ങൾ പാടുപെട്ടെങ്കിലും അവസാനം സ്വപ്നം യാഥാർഥ്യമായി. ഇപ്പോൾ ന്യൂ പദപ്പിൽ ഹയർ പ്രൈമറി സ്കൂൾ പ്രവർത്തിക്കുന്നു.ഇപ്പോൾ 64 വയസ്സായി. നാലു വർഷമായി ഓറഞ്ച് വിൽക്കാൻ പോകുന്നില്ല. എങ്കിലും എന്നും രാവിലെ 8.30 ന് സ്കൂളിലെത്തും. ഇവിടെയെല്ലാം വൃത്തിയാക്കും. ഇരുന്നൂറോളം കുട്ടികൾ ഇപ്പോൾ പഠിക്കുന്നുണ്ട്.

#malayalamnews  #News60ML  

ਖਬਰ