Madras HC Cease construction of unit II of Sterlite copper plant

പ്രക്ഷോഭകര്‍ക്ക് ആശ്വാസവുമായി കോടതി

ഇടക്കാല സ്‌റ്റേയാണ് കോടതി അനുവദിച്ചത്.

തൂത്തുക്കുടിയിലെ സ്റ്റെര്‍ലൈറ്റ് കമ്പനിയുടെ വിപുലീകരണം തടഞ്ഞു കൊണ്ട് മദ്രാസ് ഹൈക്കോടതിയുടെ ഉത്തരവ്.
സ്‌റ്റെര്‍ലൈറ്റ് കമ്പനിയുടെ രണ്ടാം ഘട്ട വിപുലീകരണം തടയണമെന്ന് ആവശ്യപ്പെട്ട് സമീപവാസികള്‍ നല്‍കിയ ഹര്‍ജിയിലാണ ഹൈക്കോടതിയുടെ വിധി വന്നത്. ഇടക്കാല സ്‌റ്റേയാണ് കോടതി അനുവദിച്ചത്. വിപുലീകരണവുമായി മുന്നോട്ടു പോവരുതെന്നാണ് കോടതി നിര്‍ദേശം. 1200 ടണ്‍ ചെമ്പ് ഉത്പാദിപ്പിക്കുന്ന കേന്ദ്രമാണ് തൂത്തുക്കുടിയിലേത്.

ഇത് 2400 ടണ്‍ ആക്കാനുള്ള വിപുലീകരണ ശ്രമമാണ് കമ്പനി നടത്തിക്കൊണ്ടിരുന്നത്. ഇത് തടയണമെന്ന്

ആവശ്യപ്പെട്ടുകൊണ്ടാണ് സമരക്കാര്‍ ആദ്യം രംഗത്തെത്തിയിരുന്നത്. ഒപ്പം കമ്പനി അടച്ചു പൂട്ടണമെന്ന ആവശ്യവും ഉന്നയിച്ചു.
മേഖലയില്‍ നിരോധനാജ്ഞ ലംഘിച്ചു കൊണ്ട് ആളുകള്‍ തടിച്ചു കൂടിയിരിക്കുകയാണ്. ആയിരക്കണക്കിന് ആളുകളാണ് സമരരംഗത്തുള്ളത്. സമരം അക്രമാസ്കതമായതിനെത്തുടര്‍ന്ന് പോലീസ് നടത്തിയ വെടിവെപ്പില്‍ തിങ്കളാഴ്ച 11പേരാണ് മരിച്ചത്.

#malayalamnews  #News60ML  

News