एन ११ गजानन नगर येथील अतिक्रमणे निष्कासित

एन ११ गजानन नगर येथील अतिक्रमणे निष्कासित

माहिती व जनसंपर्क विभाग
दि.२२ एप्रिल


महानगरपालिका अतिक्रमण हटाव विभागा मार्फत आज हडको एन ११ येथील गजानन नगर परिसरातील रस्त्यावरचे एकूण १५अतिक्रमण निष्कासित करण्यात आले.
सौभाग्य मंगल कार्यालयापासून गजानन नगर कडे जाणाऱ्या रस्त्यावर अनेक नागरिकांनी पंधरा बाय पंधरा दहा बाय वीस दहा बाय दहा व पाच बाय पाच अशा लहान मोठ्या लोखंडी टपऱ्यांचे अतिक्रमण करून जवळच्या खुल्या जागेत भाजी मंडई भरविली जात होती. यामुळे परिसरातील नागरिकांना वाहतुकीसाठी रस्ता मोकळा मिळत नव्हता.सर्व भाजी विक्रेते सह टपरीधारक यांनी रस्त्यावर अतिक्रमण केल्यामुळे याबाबत मा. आयुक्त महोदय यांच्याकडे ऑनलाईन व लेखी तक्रार प्राप्त झाली होती त्या अनुषंगाने मा. अतिरिक्त आयुक्त संतोष वाहुळे तसेच उपायुक्त सविता सोनवणे यांनी गुरुवारी आणि शुक्रवारी या भागात पाहणी केली व सर्व व्यापाऱ्यांना अनधिकृत टपरी धारकांना व इतर अतिक्रमण धारकांची प्रत्यक्ष चर्चा करून त्यांना दोन दिवसाचा अवधी देऊन सर्व अतिक्रमण काढणे बाबत सूचना देण्यात आल्या होत्या.या सूचनेनुसार काही लोकांनी स्वतःहून अतिक्रमण काढून घेतले होते तर इतर पंधरा लोकांनी हे अनधिकृत बांधकामे व अतिक्रमणे न काढल्याने आज महानगरपालिकेच्या वतीने जेसीबीच्या साह्याने हे अतिक्रमण निष्काशीत करण्यात आले.

एन ११ गजानन नगर येथील अतिक्रमणे निष्कासित

#breakingnews  #maharashtra  #newsupdate  #aurangabadnews  #ainnews  #mahrathinews  

News