भारत बंद मध्ये सहभागी होण्याचे सभापती अविनाश घुले यांचे आवाहन

केंद्र सरकारने केलेले शेतकरी विरोधी तीन कृषी कायदे आणि कामगार विरोधी चार श्रम संहिता रद्द करा तसेच वीज विधेयक २०२० मागे घ्यावे. याच प्रमाणे इंधनांचे दर कमी करून महागाईला आळा घाला . या आणि इतर मागण्यांसाठी देशभरातील २४० शेतकरी संघटनांच्या संयुक्त किसान मोर्चाने २७ सप्टेंबर २०२१ रोजी भारत बंद ची घोषणा केली. या भारत बंद ला भाजप प्रणित कामगार संघटना वगळता इतर सर्व संघटनांनी पाठिंबा दिलाय. शेतकरी विरोधी तीन कृषी कायदे मागे घ्यावेत यासाठी दिल्लीच्या सीमेवर शेतकरी संघटनांनी सुरु केलेल्या आंदोलनाला २६ सप्टेंबर ला १० महिने पूर्ण होत आहेत. त्या धर्तीवर २७ सप्टेंबर ला भारत बंद ची घोषणा करण्यात आल्याचे अखिल भारतीय किसान संघर्ष समन्वय समिती ने आयोजित पत्रकार परिषदेत सांगण्यात आले. हमाल पंचायत मार्केट यार्ड या ठिकाणी ही पत्रकार परिषद आयोजित केली होती. यावेळी शेतकरी व कामगारांनी मोठ्या संख्येने या भारत बंदमध्ये सहभागी व्हावे असे आवाहन सभापती अविनाश घुले, कॉ. सुभाष लांडे, आर्किटेक्ट अर्षद शेख यांनी केले आहे. शेती मालाला किमान हमीभावाची तरतूद झाली पाहिजे. सरकारने केलेल्या कायद्यामुळे अन्न सुरक्षा धोक्यात येणार आहे. मार्केट कमिट्यांचे अस्तित्व संपुष्टात येणार आहे. नवे वीज विधेयक 2020 हे शेतकरी व गोर गरीब जनतेवर अन्याय करणारा आहे. डिझेल, पेट्रोल, गॅसचे भाव वाढल्यामुळे सामान्य नागरिकांचे जगणे मुश्किल झाले आहे. कृषी व कामगार कायद्यांना विरोध असतांनाच जिल्ह्यातील स्थानिक प्रश्न सोडविण्यात यावेत यासाठी संयुक्त किसान मोर्चा, हमाल पंचायत, अखिल भारतीय किसान संघर्ष समन्वय समिती, महाराष्ट्र राज्य किसान सभा, कामगार संघटना महासंघ, संघटीत व असंघटीत क्षेत्रातील कामगार भारत बंद मध्ये सहभागी होणार असल्याचे सभापती घुले यांनी सांगितले. यावेळी अ‍ॅड. सुभाष लांडे, अ‍ॅड. सुधीर टोकेकर, आर्किटेक्ट अर्षद शेख, अ‍ॅड. बन्सी सातपुते आदी उपस्थित होते. दिल्लीच्या सीमेवर शेतकरी संघटनांच्या आंदोलनात आतापर्यंत ७०० शेतकरी मृत्युमुखी पडलेत. याचा निषेध म्हणून २७ सप्टेंबर ला भारत बंद ची हाक दिली असल्याचे कॉ . सुभाष लांडे यांनी सांगितले. या प्रसंगी लाल सलाम देत ऍड. कॉ सुधीर टोकेकर यांनी कामगार संघटनांना मोठ्या प्रमाणात आंदोलनात सहभागी होण्याचे आवाहन केले.




#Breakingnews#metronews #ahmed

#न्यूज  #News  #breakingnews  #Politics  #india  #ACCIDENT  #CHANNEL  #marathi  #rahul  #Updates  #MetroNews  #pune  #how  #Ahmednagar  #PAWAR  #Rohit  #राहुल  #Vikhe  #MetroRail  #विखे  #पवार  #मराठी  #पुणे  #Nagar  #jamkhed  #अहमदनगर  #नगर  #pathardi  #जगताप  #karjat  #PUNElive  #जामखेड  #कर्जत  #पाथर्डी  #रोहित  #ahmednagarlive  

വാർത്തകൾ