अनुसूचित जाती, जमातीच्या कुटुंबीयांना जमीनीचा मालकी हक्क मिळण्यासाठी स्वामित्व सत्याग्रह

दुर्बल घटकांना जमीनीची मालकी सामाजिक न्याय भूमिकेतून देण्याची गरज -अ‍ॅड. गवळी
अहमदनगर (प्रतिनिधी)- वर्षानुवर्षे सरकारी जमिनीवर वास्तव्य करुन त्या जमीनी कसणार्‍या अनुसूचित जाती, जमातीच्या कुटुंबीयांना जमीनीचा मालकी हक्क मिळण्यासाठी स्वामित्व सत्याग्रह जारी करण्यात आला आहे. या अंतर्गत अनुसूचित जाती, जमाती काळी आई ताबा पडताळणी केली जाणार आहे. दोनशे आदिवासींची अतिक्रमणे आणि राहते घर असलेल्या शिंदेवाडी (ता. संगमनेर) येथून या सत्याग्रहास प्रारंभ केले जाणार असल्याची माहिती अ‍ॅड. कारभारी गवळी यांनी दिली.
स्वातंत्र्योत्तर 75 वर्षात सुद्धा एकूण लोकसंख्येच्या 20 टक्के असलेल्या अनुसूचित जाती, जमाती मधील लोकांना उत्पन्नाची साधने नाहीत. त्यामुळे त्यांनी सरकारी जमिनीवर अतिक्रमणे करून या जमिनी कसत आहे व त्यातच घरे बांधलेली आहेत. त्यामुळे स्वातंत्र्याच्या अमृत महोत्सवी वर्षात अशा सामाजिक आणि आर्थिक दुर्बल घटकांना कसत असलेल्या जमिनी व राहत असलेल्या घरांची मालकी सामाजिक न्याय भूमिकेतून देण्याची गरज असल्याचे संघटनेच्या वतीने स्पष्ट करण्यात आले आहे.
अनुसूचित जाती, जमातीच्या लोकांकडून उत्पन्नाचे साधन नसल्यामुळे त्यांनी सरकारी जमिनीवर अतिक्रमण करून शेती करणे आणि घरे बांधून राहणे या गोष्टी पिढ्यानपिढ्या केल्या आहेत. त्यामुळे कोणतेही सरकार त्यांना विस्थापित करू शकत नाही. गेली 75 वर्षे अशा दुर्बल घटकांना वंचित ठेवण्यात आले असून, त्यांना जगण्याचा मुलभूत अधिकार प्राप्त होण्यासाठी त्यांचे अतिक्रमणे नियमाकुल करुन त्यांना मालकी हक्क देण्याच्या मागणीचे निवेदन संघटनेच्या वतीने प्रधानमंत्री नरेंद्र मोदी, राज्याचे मुख्यमंत्री उद्धव ठाकरे व महसूलमंत्री बाळासाहेब थोरात यांना पाठविण्यात आले आहे.
आदिवासी आणि मागासवर्गीय काळी आई ताबा पडताळणी सत्याग्रहामुळे सामाजिक न्यायाचा वणवा हा संपूर्ण महाराष्ट्रात पेटणार असून, त्यातून मोठी क्रांती झाल्याशिवाय राहणार नाही. त्यामुळे कसत असलेल्या आणि राहत असलेल्या आदिवासी आणि मागासवर्गीय घटकांना अशा जमिनीची आणि घरांची मालकी दस्त मिळण्यासाठी स्वामित्व सत्याग्रह केले जाणार आहे. यामध्ये मागासवर्गीय व आदिवासी बांधवांनी सहभागी होण्याचे आवाहन अ‍ॅड. गवळी यांनी केले आहे.
#Breakingnews#metronews #ahmednagar #nagar #g1news





MetroN

#न्यूज  #News  #breakingnews  #Politics  #india  #ACCIDENT  #CHANNEL  #marathi  #rahul  #Updates  #MetroNews  #pune  #how  #Ahmednagar  #PAWAR  #Rohit  #राहुल  #Vikhe  #MetroRail  #विखे  #पवार  #मराठी  #पुणे  #Nagar  #jamkhed  #अहमदनगर  #नगर  #pathardi  #जगताप  #karjat  #PUNElive  #जामखेड  #कर्जत  #पाथर्डी  #रोहित  #ahmednagarlive  

News