മോദി ഇന്ന് അയോധ്യയിൽ; രാമക്ഷേത്രം സന്ദര്‍ശിച്ചേക്കില്ല | Modi In Ayodhya

#NarendraModi#News60#India അയോധ്യ റാലിയിലൂടെ യുപിയുടെ മറ്റ് ഭാഗങ്ങളിലും സ്വാധീനമുണ്ടാക്കാന്‍ കഴിയുമെന്നാണ് വിലയിരുത്തല്‍



ലോക്‌സഭാ തിരഞ്ഞെടുപ്പ് പ്രചാരണത്തിനു പ്രധാനമന്ത്രി നരേന്ദ്ര മോദി ഇന്ന് അയോധ്യയില്‍. രാമക്ഷേത്രം സന്ദര്‍ശിച്ചേക്കില്ല .അയോധ്യ നഗരത്തില്‍നിന്ന് 27 കിലോ മീറ്റര്‍ അകലെ മായാബസാറില്‍ ഉച്ചയ്ക്കു വന്‍ റാലി നടത്തും. എന്നാല്‍ രാമജന്മഭൂമി ക്ഷേത്രമോ, തര്‍ക്കപ്രദേശമോ സന്ദര്‍ശിക്കാനിടയില്ല. 2014-ല്‍ അധികാരമേറ്റ ശേഷം ആദ്യമായാണ് നരേന്ദ്ര മോദി ഈ മേഖലയില്‍ സന്ദര്‍ശനത്തിന് എത്തുന്നത്.തിരഞ്ഞെടുപ്പ് പ്രചാരണത്തില്‍ ബിജെപി ഹിന്ദുത്വ നിലപാടുകള്‍ ശക്തമായി ഉയര്‍ത്തിപ്പിടിക്കുന്ന സാഹചര്യത്തില്‍ മോദിയുടെ അയോധ്യ റാലിയിലൂടെ യുപിയുടെ മറ്റ് ഭാഗങ്ങളിലും സ്വാധീനമുണ്ടാക്കാന്‍ കഴിയുമെന്നാണ് വിലയിരുത്തല്‍. രാമജന്മഭൂമി ക്ഷേത്രവും തര്‍ക്കപ്രദേശവും സ്ഥിതി ചെയ്യുന്ന ഫൈസാബാദിന്റെ പേര് യോഗി സര്‍ക്കാര്‍ അയോധ്യ എന്നാക്കിയിരുന്നു. എന്നാല്‍ പാര്‍ലമെന്റ് മണ്ഡലം ഇപ്പോഴും ഫൈസാബാദാണ്. 2014-ല്‍ ബിജെപിയുടെ ലല്ലു സിങ് ഇവിടെനിന്ന് 2.5 ലക്ഷം വോട്ടിന്റെ ഭൂരിപക്ഷത്തിനാണ് ജയിച്ചത്. 2009-ല്‍ കോണ്‍ഗ്രസിന്റെ നിര്‍മല്‍ ഖേത്രി വിജയിച്ച മണ്ഡലമാണിത്. ഇക്കുറി ശക്തമായ ത്രികോണ മത്സരത്തിനു ഫൈസാബാദ് വേദിയാകും. ലല്ലു സിങ്ങും നിര്‍മല്‍ ഖേത്രിയും സമാജ്‌വാദിയുടെ ആനന്ദ്‌സെന്‍ യാദവുമാണ് മത്സരിക്കുന്നത്. സൗഹാര്‍ദ അന്തരീക്ഷത്തില്‍ അയോധ്യയില്‍ രാമക്ഷേത്രം നിര്‍മിക്കുമെന്നാണ് ഇത്തവണ ബിജെപി പ്രകടന പത്രികയില്‍ പറയുന്നത്. അയോധ്യ ഉള്‍പ്പെടുന്ന ഫൈസാബാദ് ലോക്‌സഭാ മണ്ഡലത്തില്‍ മേയ് ആറിനാണ് വോട്ടെടുപ്പ്. ക്ഷേത്രനഗരയില്‍നിന്ന് 70 കിലോമീറ്റര്‍ ദൂരെ രാം സ്‌നേഹി ഘട്ടില്‍ സമാജ്‌വാദി പാര്‍ട്ടി നേതാവ് അഖിലേഷ് യാദവും ബിഎസ്പി നേതാവ് മായാവതിയും ഇന്ന് സംയുക്ത റാലി സംഘടിപ്പിക്കുന്നുണ്ട്. അതിനിടെ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി യുപിയിലെ സീതാപൂരിലുള്ള ബിസ്വാനില്‍ തിരഞ്ഞെടുപ്പ് റാലിയില്‍ പ്രസംഗിക്കും.


Modi In Ayodhya

Subscribe to Anweshanam :https://goo.gl/uhmB6J

Get More Anweshanam
Read: http://www.Anweshanam.com/
Like: https://www.facebook.com/Anweshanamdotcom/
https://www.facebook.com/news60ml/
Follow: https://twitter.com/anweshanamcom

മോദി ഇന്ന് അയോധ്യയിൽ; രാമക്ഷേത

#latestnews  #indianews  #News  #dailynews  #NarendraModi  #india  #politicalnews  #Ayodhya  #PM  #WORLDNEWS  #trendingnews  #Kerala  #Exclusivenews  #news2019  #malayalamnews  #ramatemple  #annnews  #news60  #anweshnam  #latestindiannews  

News