അപ്രതീക്ഷിതമായി ആപ്പിളിന്റെ പുതിയ ഐപാഡ്

അപ്രതീക്ഷിതമായി ആപ്പിളിന്റെ പുതിയ ഐപാഡ്

ഐഫോണ്‍ അനാവരണ ചടങ്ങില്‍ അപ്രതീക്ഷിതമായാണ് ആപ്പിള്‍ പുതിയ ഐപാഡ് അവതരിപ്പിച്ചത്. തങ്ങളുടെ നിലവിലുള്ള ഏറ്റവും വില കുറഞ്ഞ 9.7-ഇഞ്ച് ഐപാഡിനു പകരമായി പുതിയ 10.2-ഇഞ്ച് വലുപ്പമുള്ള ടാബ്‌ലറ്റ് അവതരിപ്പിച്ചിരിക്കുകയാണ് ആപ്പിള്‍. തുടക്ക ഐപാഡിന്റെ വില തന്നെയായിരിക്കും ഇതിനും - 329 ഡോളര്‍. ഏഴാം തലമുറ ഐപാഡ് എന്ന് അറിയപ്പെടുന്ന ഈ ഉപകരണം വിദ്യാര്‍ഥികള്‍ക്കും മറ്റും 299 ഡോളറിനും വാങ്ങാന്‍ സാധിക്കും. ഐപാഡ് എയര്‍ 3, ഐപാഡ് പ്രോ തുടങ്ങിയ മോഡലുകളുടെ സ്‌ക്രീന്‍ വിലുപ്പം തുടങ്ങുന്നത് 10.5-ഇഞ്ചിലാണ്. ആപ്പിള്‍ ബുദ്ധിപൂര്‍വ്വം ആ വലുപ്പം തുടക്ക മോഡലിനു നല്‍കിയിട്ടില്ലെന്നു കാണാം. പക്ഷേ, ഇനി കമ്പനി പഴയ 9.7 ഇഞ്ച് വലുപ്പമുള്ള മോഡല്‍ ഇറക്കിയേക്കില്ല. വലുപ്പം കുറഞ്ഞ ഐപാഡ് വേണ്ടവര്‍ ഐപാഡ് മിനി വാങ്ങേണ്ടതായി വരും.

ഈ വര്‍ഷം ഇനിയും ഐപാഡുകള്‍ ഇറങ്ങുമെന്നാണ് അഭ്യൂഹങ്ങള്‍ പറയുന്നത്. ഒക്ടോബറിലാണ് ആപ്പിളിന്റെ വാര്‍ഷിക ഐപാഡ് സമ്മേളനം നടത്തുക. അപ്പോള്‍ പുതിയ പ്രോ മോഡലുകള്‍ അടക്കം അനാവരണം ചെയ്യപ്പെട്ടേക്കാം. സെപ്റ്റംബര്‍ മീറ്റിങ്ങില്‍ ഐപാഡുകള്‍ അവതരിപ്പിക്കുന്ന പതിവ് ആപ്പിളിനില്ലായിരുന്നു.

പുതിയ മോഡലിന് ശക്തി പകരുന്നത് ആപ്പിളിന്റെ പഴയ എ10 ഫ്യൂഷന്‍ പ്രോസസറാണ്. രണ്ടാം തലമുറ ഐപാഡ് പ്രോ മോഡലുകളില്‍ കാണുന്ന എ10X ചിപ്പിനേക്കാള്‍ ശക്തി കുറവാണിതിന്. എന്നാല്‍ നിലവിലുള്ള തുടക്ക ഐപാഡിനേക്കാള്‍ വളരെ ശക്തി കൂടുതലും ഉണ്ടിതിന്. ഈ ഐപാഡിന്റെ ഫ്രെയിം നൂറു ശതമാനം റീസൈക്കിൾഡ് അലൂമിനിയത്തില്‍ നിന്ന സൃഷ്ടിച്ചതാണെന്നും ആപ്പിള്‍ പറഞ്ഞു. ഇതിന് എന്തു കണക്ടറാണ് നല്‍കുക എന്നറിയില്ല. ഏറ്റവും പുതിയ പ്രോ മോഡലുകള്‍ക്ക് ആപ്പിൾ യുഎസ്ബി-സിയിലേക്കു മാറിയിരുന്നു. എന്നാല്‍ ലൈറ്റ്‌നിങ് പോര്‍ട്ട് തന്നെയായിരിക്കാം തുടക്ക ഐപാഡിന്റെ കണക്ടര്‍ എന്നാണ് അനുമാനം. ടച് ഐഡി ഇതിനുണ്ടെന്നതും ലൈറ്റ്‌നിങ് കണക്ടര്‍ ആയിരിക്കാമെന്ന വാദത്തിന് ബലം നല്‍കുന്നു. ഏറ്റവും പുതിയ പ്രോ മോഡലുകള്‍ക്ക് ഫെയ്‌സ്‌ഐഡി ഉണ്ട്. കൂടാതെ പുതിയ ഐപാഡിന്‍ പെന്‍സില്‍ സപ്പോര്‍ട്ട് ഉണ്ടെങ്കിലും അതില്‍ ആദ്യ തലമുറ പെന്‍സില്‍ മാത്രമെ ഉപയോഗിക്കാനാകൂ. ഇതു ചാര്‍ജ് ചെയ്യണമെങ്കിലും ലൈറ്റ്‌നിങ് പോര്‍ട്ട് വേണം.

32 ജിബി സ്റ്റോറേജ് ശേഷിയുള്ള തുടക്ക മോഡലിന് 483 ഗ്രാം തൂക്കമായിരിക്കും ഉള്ളത്. വൈ-ഫൈ മാത്രമായിരിക്കും ഇതിനുള്ളത്.

#APPLE  #latestUpdates  #video  #Malayalam  #ios  #mallu  #keralam  #phon  #Iphonemalayalamvideo  #Simplyboilingsambar  #Updats  #Appleiphonupdatsmalayalam  

Berita