उन्नत शिवचेतनेने धर्मनिरपेक्ष आणि समाजवादी राज्यव्यवस्था निर्माण होणार

देशातील भ्रष्टाचार, अनागोंदी व जातीयवाद संपविण्यासाठी विद्यार्थ्यांना छत्रपती शिवाजी महाराजांची उन्नत शिवचेतना शिकवण्याची मागणी पीपल्स हेल्पलाईन व भारतीय जनसंसदेच्या वतीने करण्यात आली आहे. इंग्रजांनी सुरू केलेल्या शिक्षण पध्दतीने फक्त देशात कारकून व स्वत:चे हित साधणारे अधिकारी व सत्ताधारी निर्माण झाले असल्याचा आरोप करुन, उन्नत शिवचेतनेने धर्मनिरपेक्ष आणि समाजवादी राज्यव्यवस्था निर्माण होणार असल्याचे स्पष्ट करण्यात आले आहे.
देशात राबविली जात असलेली शिक्षण पद्धती ही इंग्रजांनी सुरू केली. त्यातून फक्त कारकून तयार झाले व आजही होत आहेत. भारतातील शिक्षण पद्धतीमध्ये छत्रपती शिवाजी महाराजांची उन्नत शिवचेतना विद्यार्थ्यांना शिकवण्यात आलेली नाही. त्यामुळे देशात आयएएस दर्जाचे अधिकारी सुद्धा भ्रष्टाचार, अनागोंदी, टोलवाटोलवी यामध्ये पूर्णपणे बुडाले आहेत. शिकलेल्या लोकांकडे उन्नत शिवचेतना नाही आणि पुढार्‍यांमध्ये शिवचेतनेचा पूर्णपणे अभाव आहे. त्यामुळे स्वातंत्र्याच्या 75 व्या वर्षात आपल्या देशात भ्रष्टाचार, अनागोंदी टिकून असल्याचा आरोप संघटनेच्या वतीने करण्यात आला आहे.
घराघरात आणि देशभरात छत्रपती शिवाजी महाराजांची उन्नत शिवचेतना नागरिकांनी प्राप्त केली पाहिजे, तरच भारतातील शासन-प्रशासन भ्रष्टाचार आणि अनागोंदी मुक्त होणार आहे. सुशिक्षित वर्गाला आपल्या कुटुंबाच्या हितापुढे दुसरे काही दिसत नाही. न्यायालयांमध्ये विशेषता कनिष्ठ न्याय संस्थेमध्ये कार्यरत असलेली मंडळी उन्नत शिवचेतनेपासून लांब आहे. त्यामुळे फक्त कागदी न्याय मिळतो. न्याय मागणारा न्यायालयात रडत आला, तरी रडत परत जातो. याची कोणालाही खंत नाही. देशाला स्वातंत्र्य मिळाले, परंतु देशातील आर्थिक, सामाजिक दुबळ्या समाजाला गरिबीतून आणि बेकारीतून बाहेर काढण्यामध्ये सध्याचे शासन-प्रशासन पराभूत ठरले आहेत. ज्या कारणासाठी स्वराज्य मिळवले त्यातील 10 ते 20 टक्के सुद्धा काम झालेले नाही. मतदार खुलेआम मतं विकतात आणि सत्ता पेंढारी मागच्या दाराने सत्ता ताब्यात घेत असल्याचे संघटनेने म्हंटले आहे.
#Breakingnews#metronews #ahmednagar #nagar #g1news





MetroNews Marathi is a 24/7 Marathi-language News Channel based in Ahmednagar, Pune, Mumbai, Maharashtra that launched in 2015. Metro group is India's largest

#न्यूज  #News  #breakingnews  #Politics  #india  #ACCIDENT  #CHANNEL  #marathi  #rahul  #Updates  #MetroNews  #pune  #how  #Ahmednagar  #PAWAR  #Rohit  #राहुल  #Vikhe  #MetroRail  #विखे  #पवार  #मराठी  #पुणे  #Nagar  #jamkhed  #अहमदनगर  #नगर  #pathardi  #जगताप  #karjat  #PUNElive  #जामखेड  #कर्जत  #पाथर्डी  #रोहित  #ahmednagarlive  

News