परळी:-परळी शहर पोलीस ठाण्यात अज्ञात चोरट्याविरुद्ध गुन्हा दाखल

विद्यानगर येथे 9 लाख 97 हजार रुपयाची धाडसी चोरी

परळी शहर पोलीस ठाण्यात अज्ञात चोरट्याविरुद्ध गुन्हा दाखल

परळी, (जगदीश शिंदे):- परळी शहर पोलीस ठाण्याच्या हद्दीत दिवसेंदिवस चोरीच्या घटना वाढत आहेत. विद्यानगर येथे एका सेवानिवृत्त गटशिक्षणाधिकाऱ्याच्या घरातून अज्ञात चोरट्याने राहत्या घराच्या पाठीमागिल बाजूस असलेल्या स्टोअर रूमच्या दरवाज्याचे कडीकोडा तोडुन आत प्रवेश केला. स्टोअर रूममधील कपाट कटावणीच्या सहाय्याने वाकवून रोख 9,97,000 /- रुपयाची रक्कम लंपास केले आहे. ही घटना दिनांक 23 जुलै 2022 रोजी रात्रीच्या दरम्यान घडली आहे. याप्रकरणी अज्ञात चोरट्याविरुद्ध परळी शहर पोलीस ठाण्यात गुन्हा दाखल करण्यात आला आहे.

याबाबत शहर पोलीस सूत्राकडून प्राप्त माहिती असे की, परळी शहर पोलीस ठाण्याच्या हद्दीत निवृत्त गटशिक्षणाधिकारी लक्ष्मण किशनराव फुलगुंडे यांच्या घरामागील पत्रे बांधकाम असलेल्या स्टोररूम मधील लोखंडी कपाटात ठेवलेले 2 हजार रूपाच्या 50 नोटा, व 500 रुपयांचा 1794 नोटा असा एकूण 9 लाख 97 हजार रुपयांचा मुद्देमाल अज्ञात चोरट्याने दि. 23 रोजी रात्रीच्या सुमारास लंपास केला.
याप्रकरणी परळी शहर पोलीस ठाण्यात लक्ष्मण किसनराव हुलगुंडे यांच्या फिर्यादीवरून गुरन 168/2022 कलम 457,380 भादवी नुसार गुन्हा दाखल करण्यात आला आहे. सदरील घटनास्थळास डीवायएसपी सुनील जायभाये, सपोनी सपकाळ, सपोनि गोसावी यांनी भेट देऊन पाहणी केली. या प्रकरणाचा पुढील तपास परळी शहर पोलीस ठाण्याचे पोलीस निरीक्षक उमाशंकर कस्तुरे यांच्या मार्गदर्शनाखाली स.पो.नि सपकाळ हे करीत आहेत.

परळी:-परळी शहर पोलीस ठाण्यात अज्ञात चोरट्याविरुद्ध गुन्हा दाखल

#breakingnews  #maharashtra  #against  #thief  #newsupdate  #unknown  #aurangabadnews  #ainnews  #Parli  #mahrathinews  #citypolicestation  #AcasehasbeenregisteredagainstanunknownthiefinParlicitypolicestation  

വാർത്തകൾ