खुलताबाद येथे उरुसाला संदल मिरवणुकीने सुरुवात

खुलताबाद येथे उरुसाला संदल मिरवणुकीने सुरुवात

खुलताबाद येथील हजरत जर जरी जर बक्ष यांच्या ७३६ व्या उरूसाला मंगळवारी संदलने सुरुवात झाली . खुलताबाद शहरातील हजरत बाबा बु - हानोद्दीन यांच्या दरगाहपासून संदलच्या मिरवणुकीस उपविभागीय अधिकारी जनार्दन विधाते , उरूस व्यवस्था समिती अध्यक्ष तथा तहसीलदार सुरेंद्र देशमुख , दर्गा कमिटी अध्यक्ष तथा उरूस व्यवस्था समिती उपाध्यक्ष मोहम्मद एजाज अहमद , सचिव तथा मुख्याधिकारी नंदकिशोर भोंबे , माजी नगराध्यक्ष अँड कैसरोद्दीन माजी सभापती मजहर पटेल , शरफोद्दीन रमजानी , फजीलत अहेमद , मुनीबोद्दीन , कमरोद्दीन नवाब , शेख हबीदोद्दीन , आबेद हुसेन , शेख कामरानउद्दीन , युसुफोद्दीन चिरागोद्दीन , इम्रान जहागीरदार , मतीन जहागीरदार , मोहम्मद अबरार , मुजीबोद्दीन , इक्रामोद्दीन यांच्या उपस्थितीत सुरुवात झाली . सदरील संदल मिरवणुकीद्वारे चादर हजरत जर जरी जर बक्ष यांच्या समाधीवर अर्पण केली जाते . यानिमित्त उरूस मैदानात विविध दुकानांसह खाजाची दुकाने , विविध प्रकारचे राहटपाळणे थाटले आहेत . उरुसादरम्यान उपविभागीय पोलीस अधिकारी मुकुंद आघाव , पोलीस निरीक्षक भुजंग हातमोडे यांच्या प्रमुख उपस्थितीत २ पोलीस निरीक्षक , २८ सहायक पोलीस निरीक्षक व पोलीस उपनिरीक्षक , २५० पोलीस कर्मचारी , ७० होमगार्ड असा बंदोबस्त तैनात केला आहे . खुलताबाद येथे उरूसनिमित्ताने उरूस मैदानापर्यंत ४७ सीसीटीव्ही कॅमेरे बसवण्याची सूचना पोलीस निरीक्षक हातमोडे यांनी उरूस व्यवस्था समितीला केली होती . त्यामुळे हजरत ख्वाजा मुन्तजीबोद्दीन जर जरी जर यक्ष यांच्या दर्ग्यासह राहटपाळणे परिसर ते उरूस मैदानाच्या प्रवेशद्वारपर्यंत ४७ सीसीटीव्ही कॅमेरे बसवण्यात आले आहेत
रामलाल निंभोरे खुलताबाद

खुलताबाद येथे उरुसाला संदल मिरवणुकीने सुरुवात

#breakingnews  #maharashtra  #newsupdate  #aurangabadnews  #ainnews  #mahrathinews  

News