फुलंब्री : टेनिस बॉल क्रिकेट स्पर्धेचे उद्घाटन आमदार हरिभाऊ बागडे यांच्या हस्ते रोजी करण्यात आले.

फुलंब्री शहरांमध्ये देशाचे माजी पंतप्रधान अटल बिहारी वाजपेयी यांच्या जयंतीचे औचित्य साधून भारतीय जनता पक्षाच्या युवा मोर्चाच्या वतीने देवगिरी कारखाना परिसरात अटल चषक खुल्या टेनिस बॉल क्रिकेट स्पर्धेचे उद्घाटन आमदार हरिभाऊ बागडे यांच्या हस्ते रविवारी (ता.25) रोजी करण्यात आले.
या कार्यक्रमासाठी नगराध्यक्ष सुहास शिरसाट, माजी सभापती अनुराधा चव्हाण, माजी सभापती सर्जेराव मेटे, सविता फुके, जिल्हा परिषदेचे माजी सदस्य जितेंद्र जैस्वाल, भाजपा शहराध्यक्ष योगेश मिसाळ, भाजपाचे युवा मोर्चा तालुकाध्यक्ष बाळासाहेब तांदळे, युवा मोर्चा शहराध्यक्ष वाल्मिक जाधव यांची प्रमुख उपस्थिती होती. भारतीय जनता पक्षाचे ज्येष्ठ नेते तथा देशाचे माजी पंतप्रधान अटल बिहारी वाजपेयी यांच्या जयंतीच्या औचित्य साधून युवा मोर्चाच्या वतीने खुल्या टेनिस बॉल क्रिकेट स्पर्धेचे आयोजन देवगिरी सहकारी साखर कारखान्याच्या परिसरात केले आहे. या टेनिस बॉल क्रिकेट स्पर्धेमध्ये माजी सभापती अनुराधा चव्हाण यांनी प्रथम पारितोषिक एकवीस हजार रुपये, नगराध्यक्ष सुहास शिरसाठ यांनी द्वितीय पारितोषिक अकरा हजार रुपये, तर आप्पासाहेब काकडे यांनी तृतीय पारितोषिक सात हजार रुपये या चषक स्पर्धेसाठी दिलेले आहे. त्याचबरोबर या क्रिकेट स्पर्धेमध्ये अष्टपैलू खेळाडू, उत्कृष्ट फलंदाज, उत्कृष्ट यष्टीरक्षक, उत्कृष्ट गोलंदाज, उत्कृष्ट क्षेत्ररक्षक, उत्कृष्ट पंच, उत्कृष्ट समालोचक, उत्कृष्ट प्रेषक, उत्कृष्ट संघ, उत्कृष्ट गुणलेखक यांची निवड केली जाणार आहे. त्यांना विविध मान्यवर पारितोषिक देणार आहेत. या स्पर्धेचे उद्घाटन आमदार हरिभाऊ बागडे यांनी केले आहे. या स्पर्धेत जास्तीत जास्त संख्येने क्रिकेट संघानी सहभाग घ्यावा, असे आवाहन युवा मोर्चाच्या वतीने बाळासाहेब तांदळे व वाल्मीक जाधव यांनी केले आहे. यावेळी नाथा काकडे, सुचित बोरसे, देवलाल राजपूत, विलास उबाळे, गोकुळ राजपूत, दत्तू थोरात, नितीन मिसाळ, सागर गाडेकर, सरफराज शेख यांच्यासह आदींची उपस्थिती होती.
......

फुलंब्री : टेनिस बॉल क्रिकेट स्पर्धेचे उद्घाटन आमदार हरिभाऊ बागडे यांच्या हस्ते रोजी करण्यात आले.

#breakingnews  #maharashtra  #newsupdate  #aurangabadnews  #ainnews  #mahrathinews  

News