औरंगाबाद : संतप्त महिलांनी पालकमंत्री भुमरेंचा ताफा अडवला

संतप्त महिलांनी पालकमंत्री भुमरेंचा ताफा अडवला

मॉरल महाराष्ट्र

औरंगाबादमध्ये शिंदे गटाचे मंत्री तथा औरंगाबादचे पालकमंत्री संदिपान भुमरे यांचा ताफा अडवण्यात आल्याची माहिती समोर येत आहे. गावातील दारू बंदीसाठी महिलांकडून रस्त्यावर उतरून आंदोलन सुरु असतानाच, तेथून जाणारा भुमरे यांचा ताफा आंदोलन करणाऱ्या महिलांनी अडवला. यावेळी गावात दारू बंदीची मागणी महिलांनी भुमरे यांच्याकडे केली. तर याबाबत कारवाई करण्याचे आश्वासन भुमरे यांनी दिल्यानंतर त्यांचा ताफा तेथून पुढे निघाला.

गंगापूर तालुक्यातील दिवशी पिंपळगाव येथे मोठ्याप्रमाणावर दारू विक्री होत असल्याने गावातील अनेक तरुण दारूच्या आहारी जात असल्याचा आरोप गावकऱ्यांकडून करण्यात आला आहे. त्यामुळे गावातील अवैध दारू विक्री बंद करण्याच्या मागणीसाठी महिलांनी आज दिवशी पिंपळगाव फाटा येथे आज रस्ता रोको केला होता. दरम्यान याचवेळी तेथून मंत्री भुमरे यांचा ताफा जात होता. त्यामुळे आंदोलन करणाऱ्या महिलांसह गावकऱ्यांनी भुमरे यांचा ताफा अडवला. तसेच गावातील दारू बंद करण्याबाबत त्यांच्याकडे मागणी केली. यावेळी भुमरे यांनी देखील कारवाईबाबत आश्वासन दिले. त्यानंतर भुमरे यांचा ताफा पुढे निघाला.

औरंगाबाद : संतप्त महिलांनी पालकमंत्री भुमरेंचा ताफा अडवला

#breakingnews  #maharashtra  #newsupdate  #aurangabadnews  #ainnews  #mahrathinews  

বাতৰি