The 'Rainbow Grandpa' of Thaichung

തായ്ചുങ്ങിന്റെ സ്വന്തം റെയിന്‍ബോ ഗ്രാന്‍പാ

കുഞ്ഞായിരിക്കുമ്പോള്‍ എന്തൊക്കെയാണോ വരച്ചത് അത് തന്നെയാണ് ഇപ്പോഴും വരക്കുന്നത്

ചുവരില്‍ ചിത്രം വരച്ച് ഒരാള്‍ക്ക് ഒരു ഗ്രാമത്തിനു മുഴുവന്‍ രക്ഷിക്കാനാകുമോ! ആകുമെന്നതിന്റെ തെളിവാണ് തായ് വാനിലെ തായ്ചുങ് സിറ്റിയിലെ റെയിന്‍ബോ ഗ്രാമം. 'എത്ര വയസായി എന്നുള്ളത് എനിക്ക് വിഷയമല്ല. ഞാന്‍ എന്‍റെ നൂറാമത്തെ വയസിലും വരയ്ക്കും.' പറയുന്നത് ഹുവാങ്ങ് എന്ന 96 കാരനാണ്. തായ്ചുങ്ങിലെ നാട്ടുകാര്‍ അദ്ദേഹത്തെ റെയിന്‍ബോ ഗ്രാന്‍പാ എന്നു വിളിക്കുന്നു. ഏഴ് വര്‍ഷം മുമ്പാണ് അദ്ദേഹം ആ ഗ്രാമത്തിനു വേണ്ടി വരച്ചു തുടങ്ങിയത്. അതും സര്‍ക്കാര്‍ ആ നാടിനെ തകര്‍ക്കാന്‍ ശ്രമിച്ചപ്പോള്‍... താന്‍ വരച്ചില്ലായിരുന്നുവെങ്കില്‍ അവര്‍ നാടിനെ തകര്‍ത്തു കളഞ്ഞേനെ എന്ന് ഹുവാങ് പറയുന്നു. 1200 കുടുംബങ്ങളാണ് അവിടെ താമസിക്കുന്നത്. പല കുടുംബങ്ങളേയും രക്ഷിക്കാനായാണ് ഞാന്‍ വരച്ചു തുടങ്ങിയത്.11 വീടുകള്‍ മുഴുവനായും പെയിന്‍റ് ചെയ്തതോടെ 11 കുടുംബങ്ങള്‍ രക്ഷപ്പെട്ടു. വരക്കാനുള്ള സാധനങ്ങളൊക്കെ വാങ്ങുന്നത് സ്വന്തം ചിലവിലാണ്. മൂന്നാമത്തെ വയസില്‍ വരച്ചു തുടങ്ങിയ ഹുവാങ്ങ് എന്നും രാവിലെ മൂന്നു മണിക്ക് അദ്ദേഹം എഴുന്നേറ്റ് വരയ്ക്കാന്‍ തുടങ്ങും. 37 വര്‍ഷമായി ഈ ഗ്രാമത്തിലാണ് ഹുവാങ് ജീവിക്കുന്നത്. കുഞ്ഞായിരിക്കുമ്പോള്‍ എന്തൊക്കെയാണോ വരച്ചത് അത് തന്നെയാണ് ഇപ്പോഴും വരക്കുന്നത്. ഗ്രാമം സംരക്ഷിക്കാമെന്ന് ഇപ്പോള്‍ സര്‍ക്കാര്‍ വാക്ക് പറഞ്ഞിട്ടുണ്ട്. ഹുവാങ്ങിന്‍റെ പെയിന്‍റിങ്ങിലൂടെ തായ്ചുങ് സിറ്റി ടൂറിസ്റ്റ് ആകര്‍ഷണങ്ങളിലൊന്നായി മാറിക്കഴിഞ്ഞു. ഒരു മില്ല്യണിലധികം ആളുകളാണ് ഓരോ വര്‍ഷവും ഇവിടെ വിനോദസഞ്ചാരികളായി എത്തുന്നത്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

The 'Rainbow Grandpa' of Thaichung

By News60 ML | 67 views